Məlumatlar

                                                                                                               

                                                                                                                                

        Açıq Hökumət Milli Platformasının koordinatoru Əliməmməd Nuriyev tərəfindən “Korrupsiya ilə əlaqədar hüquqpozmalar və bu hüquqpozmalara görə məsuliyyət” və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının üzvü, “Prioritet” Sosial İqtisadi Araşdırmalar Mərkəzi İctimai Birliyinin sədri Zaur İbrahimli tərəfindən “Etik davranış qaydaları” mövzularında ötən ilin dekabr ayında Şuşa Şəhəri Dövlət Qoruğu İdarəsi və onun tabeli qurumu olan Mənzil-kommunal və təmir xidmətinin əməkdaşlarının iştirakı ilə təlimlər keçirilmişdir. Təlimlərdə korrupsiya anlayışı və onun formaları, korrupsiya ilə əlaqədar hüquqpozmaların subyektləri, müraciətlərə baxılmasının xüsusiyyətləri, korrupsiyaya qarşı mübarizəni həyata keçirən orqanlar, həmçinin etik dilemmalar, onların həlli yolları, düzgün davranış qaydaları və ona əməl olunmasına nəzarət və digər məsələlər barədə iştirakçılara ətraflı məlumat verilmiş, interaktiv fikir mübadiləsi aparılmışdır.

      Şuşa Şəhəri Dövlət Qoruğu İdarəsi, o cümlədən tabeli qurumun daxili intizam qaydaları tərtib edilmiş və təsdiq edilmişdir. Qaydalar işçilərin vəzifələrini və etik davranış prinsiplərini ehtiva edir. Hər bir işçi öz növbəsində qaydalarla tanış edilmişdir.

        Ötən iş ili ərzində intizam qaydalarının pozulması ilə bağlı bir neçə hal qeydə alınmış, işçilərdən izahat alınmış, şifahi və yazılı xəbərdarlıq edilmişdir.

        İntizam tənbehini labüd edən ciddi qayda pozuntusu baş verməmişdir.

 

                                                                                                                                                                                                                                                   

Şuşanın görüləsi yerləri

...

Xurşidbanu Natəvanın evi: Görkəmli Azərbaycan şairəsi, xan qızı adı ilə tanınan Xurşidbanu Natəvanın ikimərtəbəli evi XVIII əsrə aid tarix-memarlıq abidəsidir. Binanın birinci mərtəbəsində xidməti xarakterli və xidmətçilərin yaşaması üçün nəzərdə tutulmuş yeddi otaq yerləşir. Cənub tərəfdə üç giriş qapısı yerləşir. Onlardan ortada yerləşən qapı dəhlizə, yanlarda yerləşən digər iki qapı isə yan otaqlara aparır.

...

Molla Pənah Vaqifin muzey-məqbərəsi: Görkəmli Azərbaycan şairi Molla Pənah Vaqifin muzey-məqbərə kompleksinin inşasına memar A.V.Salamzadə və E.İ Kanukovun layihəsi əsasında 1977-ci ildə başlanılmışdır. Kompleksin açılışı 1982-ci ilin yanvar ayında olmuşdur. Kompleks Şuşa şəhərinin görkəmli yeri olan Cıdır düzünə yaxın bir ərazidə dahi şairin məzarı üstündə inşa edilmişdir. Burada M.P. Vaqifin Şuşa həyatını əks etdirən dövrə aid olan 80-ə yaxın eksponat da sərgilənirdi.

...

Üzeyir Hacıbəyovun ev-muzeyi: Dahi Azərbaycan bəstəkarı Üzeyir Hacıbəyovun Şuşadakı ev-muzeyi 1959-cu ildə yaradılmışdır. Ev-muzeyi 1992-ci il Şuşanın erməni qəsbkarları tərəfindən işğalına kimi fəaliyyət göstərmişdir. Muzeyin ekspozisiyasında Hacıbəyovlar ailəsinə məxsus ev əşyaları ilə yanaşı, Üzeyir bəyin şəxsi əşyaları, şəkilləri, kitabları, ona həsr olunmuş və muzeyə bağışlanmış kitablar mühüm yer tuturdu.

...

Cıdır düzü: Cıdır düzü  Şuşa şəhəri yaxınlığında yerləşir. Bu düzənlik dərəyə və Daşaltı çayının 200 metr aşağıdan axan Daşaltı dərəsinə baxır. Cıdır düzü dağlar qoynunda yerləşən, şəhərin yeganə və böyük hamar ərazisidir.

...

Gövhərağa məscidləri: Qarabağın sonuncu xanı İbrahim xanın qızı Gövhərağa (əsl adı Gövhərnisə) həm də öz dövrünün məşhur xeyriyyəçilərindən olmuşdur. Onun vəsaiti hesabına tikilən Aşağı Gövhərağa məscidi Şuşa şəhərində 1874-1875-ci illərdə memar Kərbəlayı Səfixan Qarabaği tərəfindən inşa edilmişdir.

...

Şuşa qalası: Pənahəli xanın müdafiə məqsədi ilə tikdirdiyi qala Şuşa ovalığında əlçatmaz, hətta mühasirədə olan yerdə tikilmişdir. Qala hər tərəfdən sıx meşələrlə əhatə olunmuş və bəzi hissələrdə yarğanlarla bitmişdir ki, bu da düşmən tərəfindən keçilməz sədd hesab olunurdu. Şuşa qalasının tikintisinə şair Molla Pənah Vaqif də rəhbərlik etmişdir.